Bakı. Trend:
Özbəkistanın Mədəniyyət və Turizm Nazirliyində Bolqarıstanın Daşkənddəki səfiri Atanas Kristin ilə görüş keçirilib.
Trend xəbər verir ki, görüş zamanı Özbəkistan və Bolqarıstan arasında turizm sahəsində ikitərəfli əməkdaşlığın daha da möhkəmləndirilməsi məsələləri müzakirə edilib
Tərəflər Bolqarıstandan Özbəkistana gələn turistlərin sayının artırılması, Bolqarıstan KİV-ləri vasitəsilə ölkənin turizm potensialının təbliği ilə bağlı fikir mübadiləsi aparıblar.
Bolqarıstan və Özbəkistan arasında çarter reyslərinin açılmasına və bu ölkənin universitetləri arasında İpək Yolu Beynəlxalq Turizm və Mədəni İrs Universiteti ilə turizm sahəsində kadrların hazırlanmasında əməkdaşlığın qurulmasına xüsusi diqqət yetirilib.