Bakı. Trend:
Şimali Koreya ilə kommunikasiya xətlərimiz açıqdır.
Trend xəbər verir ki, bunu Ağ Evin mətbuat katibi Karin Jan-Pyer deyib.
Ağ Ev nümayəndəsi ABŞ-nin Şimali Koreya ilə kommunikasiyaya qətiyyətlə açıq və hazır olduğunu bildirib.
Xatırladaq ki, bu yaxınlarda ABŞ, Yaponiya və Cənubi Koreya liderləri Co Bayden, Fumio Kişida və Yun Sok Yel Vaşinqton yaxınlığındakı Kemp-Deviddə üçtərəfli sammit keçiriblər. Sammitdə hərbi əməkdaşlığı gücləndirmək məqsədilə birgə təlimlərin hər il keçirilməsi barədə razılıq əldə olunub.
Şimali Koreya lideri Kim Çen In isə bununla bağlı olaraq ABŞ, Yaponiya və Cənubi Koreyanın bu addımlarla Koreya yarımadası regionunda sabitliyi pozduğunu və nüvə müharibəsi riskini artırdığını deyib.