Bakı. Trend:
Səudiyyə Ərəbistanının rəsmilərindən ibarət nümayəndə heyəti 30 il ərzində ilk dəfə olaraq İordan çayının qərb sahillərinə gəlib.
Trend xəbər verir ki, bu barədə "Frans-Press" agentliyi yerli məmura istinadən məlumat paylaşıb.
Bildirilib ki, nümayəndə heyətinin tərkibində Səudiyyə Ərəbistanının Fələstindəki yeni səfiri Naif əl-Sudeyri də olub. Onun Fələstin prezidenti Mahmud Abbas etimadnamə təqdim etməli olduğu qeyd edilib.
Etimadnamələrin bir nüsxəsi Fələstinin xarici işlər naziri Riyad əl-Maliki tərəfindən qəbul edilib. Daha sonra diplomatik nümayəndə Ramallah şəhərinə yola düşüb.