Bakı. Trend:
Qəzza zolağında atəşkəsdən sonra yenidən başlayan qarşıdurmalar nəticəsində Fələstin anklavının 200-ə yaxın sakini həlak olub.
Trend-in məlumatına görə, bu barədə Qəzza zolağının Səhiyyə Nazirliyi öz "Facebook" səhifəsində bildirib.
Qeyd olunub ki, 589 nəfər yaralanıb. Yaralananların əksəriyyəti qadınlar və yeniyetmələrdir.
Dekabrın 1-də səhər saatlarında İsrail Müdafiə Qüvvələri Fələstinin HƏMAS hərəkatını atəşkəsi pozmaqda ittiham edib və Qəzza zolağında hərbi əməliyyatları bərpa etdiyini bildirib.