Bakı. Trend:
İndoneziyanın Sumatra adasında vulkan püskürməsi nəticəsində 11 nəfər həlak olub.
Trend xəbər verir ki, bu barədə "Reuters" agentliyi xilasetmə xidmətinin nümayəndəsinə istinadən məlumat yayıb.
Bildirilib ki, 3 nəfər sağ tapılıb, 12 nəfər itkin düşüb.
Xatırladaq ki, dekabrın 3-də İndoneziyanın Sumatra adasında Marapi vulkanı püskürməyə başlayıb. İlkin məlumatlara görə, vulkan 15 min metr yüksəkliyə kül püskürüb.