Bakı. Trend:
İsveçrənin Sion şəhərinin iki müxtəlif yerində naməlum şəxs odlu silahdan atəş açıb, 2 nəfər ölüb, bir nəfər yaralanıb.
Trend xəbər verir ki, bu barədə Vale kantonunun polisi məlumat yayıb.
Məlumata görə, hadisənin motivi məlum deyil. Cinayətkarın qaçıb gizləndiyi qeyd olunur.
İlkin versiyaya görə, cinayətkarın qurbanları ilə tanış olduğu ehtimal edilir. Hadisə ilə bağlı cinayət işi açılıb.