Bakı. Trend:
Rusiyalı kosmonavtlar Aleksandr Qrebenkin və onun dublyoru Aleksandr Qorbunovun “Crew Dragon” gəmisinin heyətində Beynəlxalq Kosmik Stansiyasına uçuşuna razılıq verilib.
Trend-in məlumatına görə, bu barədə Yuri Qaqarin adına Kosmonavtların Hazırlıq Mərkəzindən bildiriblər.
Məlumata əsasən, komissiya səhhətlərinin vəziyyətinə görə onları yararlı hesab edib. Tibbi komissiyanın tərkibinə Kosmonavtların Hazırlıq Mərkəzinin təmsilçiləri, Federal Tibbi-Bioloji Agentliyin, Rusiya Elmlər Akademiyasının Tibb-Bioloji Problemlər İnstitutunun, Rusiyanın səhiyyə və müdafiə nazirliklərinin təmsilçiləri daxildirlər.
Cari il martın 1-də Roskosmosda Beynəlxalq Kosmik Stansiyasına çarpaz uçuşlar barədə ABŞ-la sazişin genişləndirildiyi bildirilib. Roskosmos və NASA rusiyalı kosmonavtın “Crew Dragon” gəmisində stansiyaya əlavə uçuşunu razılaşdırıb.