Bakı. Trend:
Yaponiyanın Honşu adasında 5,6 bal gücündə zəlzələ qeydə alınıb.
Trend-in məlumatına görə, bu barədə Rusiya Elmlər Akademiyasının Vahid Geofizika Xidmətinin Altay-Sayan filialı bildirib.
Məlumata əsasən, zəlzələnin episentri Fukusima şəhərindən 12 km şimal-qərbdə yerləşib.
Episentrdə zəlzələnin intensivliyinə görə zəlzələ “çox güclü” kimi qiymətləndirilib.
ABŞ Geoloji Xidməti zəlzələnin maqnitudasını 5,8 bal qiymətləndirib. Amerikalı seysmoloqların fikrincə, onun ocağı 47,6 km dərinlikdə olub.