Bakı. Trend:
Böyük Britaniya məhkəməsi “Wikileaks”in qurucusu Culian Assanjın ABŞ-yə ekstradisiyasına dair məhkəmə qərarına etiraz edə biləcəyinə qərar verib.
Trend xəbər verir ki, “Wikileaks” portalının qurucusu Culian Assanjın casusluq ittihamı ilə ABŞ-yə ekstradisiyasına etiraz etmək hüququ bu gün sonuncu dəfə britaniyalı hakimlər tərəfindən müzakirə olunub.
Hakimlər Culian Assanjın ABŞ-yə ekstradisiyasına etiraz edə biləcəyinə qərar veriblər.
Hakimlər bildiriblər ki, ABŞ səlahiyyətliləri onun ABŞ-yə ekstradisiya ediləcəyi təqdirdə başına nə gələcəyinə dair əlavə zəmanət verməsələr, Assanj apellyasiya şikayəti verə biləcək. Əgər Culian Assanja bu icazə verilməsəydi, o, ABŞ-yə bir neçə gün ərzində ekstradisiya edilə bilərdi.
Proses mayın 20-dək təxirə salınıb.