Bakı. Trend:
Fələstinin radikal HƏMAS hərəkatının silahlı dəstələri İsrailə məxsus Merkava Mk4 tankını hədəfə alaraq partladıblar.
Trend xəbər verir ki, bu barədə məlumatı “Al Mayadeen” telekanalı yayıb.
Hadisə Fələstin anklavının şimalında, Cəbəliyə qaçqın düşərgəsinin qərbində baş verib. Bildirilir ki, bu hücum HƏMAS-ın İsrailin hərbi texnikasına qarşı artan əməliyyatlarının bir hissəsi olaraq həyata keçirilib.
Tankın partladılması nəticəsində itkilər və ya zərər çəkənlər barədə hələlik dəqiq məlumat verilməyib.