Bakı. Trend:
ABŞ Ağ Evin mütəşəkkil dəstə üzvləri kimi təqdim etdiyi 200-dən çox venesuelalını ölkədən deportasiya edib.
Trend xəbər verir ki, bu barədə BBC məlumat yayıb.
Məlumata əsasən, ölkədən çıxarılan venesuelalı mühacirlər naməlum müddətə ABŞ-nin Salvadordakı ciddi rejimli cəzaçəkmə müəssisəsinə yerləşdiriliblər.
Salvadorun prezidenti Nayib Bukele sosial media hesabında deportasiya olunan 238 nəfərin “Tren de Aragua” Venesuela quldur dəstəsinin, 23-nün isə “MS-13” beynəlxalq mütəşəkkil cinayətkar dəstənin üzvü olduqlarını bildirib.
ABŞ və Salvador hökuməti deportasiya olunan mühacirlərin kimliklərini mətbuata açıqlamayıb.