Bakı.Trend:
Amerikalı senator Kori Buker Senatın tarixinin ən uzun nitqi ilə çıxış etməklə rekorda imza atıb.
Trend xəbər verir ki, bu barədə BBC məlumat yayıb.
Nyu-Cersidən olan Demokratların Trampa qarşı “marafonunda” o, 25 saat 4 dəqiqə ərzində hazırkı Ağ Ev rəhbəri və onun administrasiyasının yürütdüyü siyasəti tənqid atəşinə tutub.
Qeyd edək ki, ABŞ Senatında belə uzunmüddətli nitqlər daha çox rəqib partiyanın irəli sürdüyü qanun layihələrinin qəbuluna əngəl olmaq məqsədi daşıyır. Senatorun nitqi onun kürsünü tərk etməyəcəyi və hətta ayaq yolu fasiləsinə belə ayrılmayacağı təqdirdə kəsilə bilməz.
Bundan əvvəlki rekordun sahibi respublikaçı senator Strom Zurmond idi. O 1957-ci ildə 24 saat, 18 dəqiqə ərzində Vətəndaş hüquqları aktının əleyhinə nitqlə çıxış etmişdi.