Bakı. Trend:
ABŞ Prezidenti Donald Tramp administrasiyasının təşəbbüsü ilə hazırlanmış dövlət xərclərinin azaldılması ilə bağlı qanun layihəsi Konqresin Senatında prosessual səsvermədən keçib.
Trend-in məlumatına görə, sənədi 51 senator dəstəkləyib, 49 senator isə əleyhinə səs verib. Yekun səsvermənin yaxın günlərdə keçirilməsi gözlənilir.
Hazırda Konqresin hər iki palatasına nəzarət edən Respublikaçılar iyulun 4-dən gec olmayaraq qanun layihəsinin təsdiqini təmin etməyə çalışdıqlarını açıqlayıblar.
Tramp qanun layihəsini “vahid, iri, gözəl sənəd” adlandırıb. Sənəd bir sıra sahələrdə vergilərin və dövlət xərclərinin əhəmiyyətli dərəcədə azaldılmasını nəzərdə tutur.
Eyni zamanda, layihədə müdafiə xərclərinin artırılması, xüsusən “Qızıl Qübbə” raketdən müdafiə sisteminin yaradılması və sərhəd nəzarətinin gücləndirilməsi kimi sahələrdə xərclərin artırılması da əksini tapıb.