Bakı. Trend:
ABŞ prezidentinin xüsusi nümayəndəsi Stiven Uitkoff yaxın günlərdə İran hakimiyyəti ilə Tehranın nüvə proqramına dair mümkün razılaşma üzrə danışıqlar aparacaq.
Trend-in "NBC News" telekanalına istinadla verdiyi məlumata görə, müzakirələrin əsas mövzusu İrana qarşı sanksiyaların yumşaldılması müqabilində uranın zənginləşdirilməsinin dayandırılması olacaq.
Danışıqların harada keçiriləcəyi və İran tərəfinin təmsilçilik səviyyəsi barədə hələlik rəsmi məlumat verilməyib.
Qeyd edək ki, Tehran və Vaşinqton arasında nüvə məsələsi üzrə qeyri-rəsmi təmaslar son aylar daha da intensivləşib. ABŞ bu istiqamətdə diplomatik yollarla gərginliyi azaltmağa çalışır.