Bakı. Trend:
ABŞ-də keçirilən Klublararası dünya çempionatının 1/8 final mərhələsi çərçivəsində “Benfika” və “Çelsi” komandaları qarşılaşıb.
Trend-in məlumatına görə, gərgin keçən qarşılaşmanın əsas vaxtı 1:1 hesabı ilə başa çatıb. Lakin əlavə vaxtda təşəbbüsü ələ alan “Çelsi” ardıcıl 3 qol vuraraq oyunu 4:1 hesablı qələbə ilə tamamlayıb və 1/4 finala vəsiqə qazanıb.
Növbəti mərhələdə London təmsilçisi “Palmeyras” ilə qarşılaşacaq. Braziliya klubu daha əvvəl “Botafoqo”nu məğlub edərək 1/4 finala yüksəlmişdi.
XXX
00:10
ABŞ-də keçirilən klublararası dünya çempionatının 1/8 final mərhələsi çərçivəsində Braziliya təmsilçiləri “Palmeyras” və “Botafoqo” qarşılaşıb.
Trend-in məlumatına görə, gərgin keçən oyunun əsas vaxtında hesab açılmayıb. Əlavə vaxtda fərqlənən “Palmeyras” minimal hesabla (1:0) qalib gələrək 1/4 finala yüksəlib.
“Palmeyras” növbəti mərhələdə Portuqaliyanın “Benfika” və İngiltərənin “Çelsi” klubları arasında keçiriləcək oyunun qalibi ilə qarşılaşacaq.