Bakı. Trend:
Ukrayna münaqişəsinin nizamlanması ilə bağlı üçtərəfli danışıqların növbəti raundu yenidən İsveçrədə keçiriləcək.
Trend xarici KİV-ə istinadən xəbər verir ki, bu barədə Ukrayna Prezidenti Volodimir Zelenski açıqlama verib.
“Mən vurğulamaq istəyirəm ki, növbəti görüş də İsveçrədə baş tutacaq. Bu gün üçün məndə olan bütün məlumat budur”, – deyə o, britaniyalı jurnalist Pirs Morqana müsahibəsində bildirib.
Müsahibə jurnalistin "YouTube" kanalında yayımlanıb. Zelenski növbəti danışıqlar raundunun nə vaxt keçiriləcəyi və hansı tərkibdə baş tutacağı barədə məlumat verməyib.