...

Heydər Əliyev Sarayında opera və operettalardan ibarət konsert olacaq (VİDEO)

Mədəniyyət Materials 31 Avqust 2017 19:46 (UTC +04:00)
Sentyabrın 25-də Heydər Əliyev Sarayında Azərbaycan opera və operettalarından ibarət "Əbədi Musiqi" adlı konsert tamaşa keçiriləcək.
Heydər Əliyev Sarayında opera və operettalardan ibarət konsert olacaq (VİDEO)

Bakı. Trend:

Sentyabrın 25-də Heydər Əliyev Sarayında Azərbaycan opera və operettalarından ibarət "Əbədi Musiqi" adlı konsert tamaşa keçiriləcək.

Saraydan Trend-ə verilən məlumata görə, gecədə Azərbaycan klassik opera və operettalarından ən gözəl parçalar, solo nömrələr və duetlər ifa olunacaq.

Konsertdə Samir Cəfərov, Fidan Hacıyeva, Anar Şuşalı, İnarə Babayeva, Fərid Əliyev, Afaq Abbasova, İlahə Əfəndiyeva, Gülnaz İsmayılova, Fəridə Məmmədova, Nərgiz Kərimova, Taleh Yəhyayev, Cahangir Qurbanov, Mahir Tağızadə və başqaları iştirak edəcəklər.

Konsert tamaşada müğənniləri Nazim Hacıəlibəyovun rəhbərliyi ilə, Azərbaycan Televiziyası və Radiosunun Niyazi adına Simfonik orkestri müşaiyət edəcək.

Saat 19:00-da başlayacaq konsertin biletlərinin qiyməti 10-40 manat təşkil edir. Biletləri www.iticket.az saytından onlayn, şəhərin kassalarından və ASAN xidmət mərkəzlərindən əldə edə bilərsiniz.

Əlaqə nömrələri: (012) 441-21-31, (050) 332-36-30

Məqalədə:
Xəbər lenti

Xəbər lenti