Azərbaycan, Qazax, 08 fevral / Trend , müxbir N.Fətullayeva/ Ağstafa rayonunda 17 yaşlı gənc qız fevralın 8-i səhər saatlarında intihar edib. Bu barədə cümə günü Trend ə Ağstafa rayon Prokurorluğundan məlumat verilib.
Bu il Azərbaycanda 6 intihar hadisəsi qeydə alınıb. Onların əksəriyyəti gənclərdir.
Məlumata görə, rayonun Köçəsgər kənd sakini 1991-ci il təvəllüdlü Sevil Sərvaz qızı Qasımova qohumunun evində intihar edib. Qasımova Rusiyada yaşayan qohumlarının kənddə olan və nəzarət etdikləri evinə gedərək evin zirzəmisində özünü asıb. Mərhumun valideynləri prokurorluğa verdiyi ifadələrində Qasımovanın son bir ildə ruhi xəstəlikdən əziyyət çəkdiyini bildiriblər. Buna görə onlar Qasımovanı 8-ci sinifdə oxuyarkən məktəbdən çıxardıblar. Baş vermiş intihar hadisəsi ilə əlaqədar Ağstafa rayon Prokurorluğunda araşdırma aparılır.