Azərbaycan, Bakı,13 may / Trend , müxbir T.Abbasov, K.Zərbalıyeva/ Sumqayıt şəhərindəki 12 saylı orta məktəbin şagirdi intihara cəhd edib.
Şəhər sakinləri Trend -a bildiriblər ki, məktəbin 11-ci sinif şagirdi Aygül Bayramova məktəbdə dərman içərək özünü öldürmək istəyib. Xəstəxanaya çatdırılan Bayramovanın həyatını xilas etmək mümkün olub.
Onun özünü öldürməsinə səbəb isə Zülfiyyə adlı riyaziyyat müəlliməsi tərəfindən döyülməsi olub.
Sumqayıt şəhər Prokurorluğundan çərşənbə axşamı Trend -a bildirilib ki, Prokurorluğa intihara cəhdlə bağlı deyil, zəhərlənmə fakti ilə bağlı şəhər Polis İdarəsinindən material daxil olub.
Sumqayıt şəhər prokurorunun böyük köməkçisi Pərviz Əliyev faktın araşdırıldığını, Bayramovanın və valideynlərinin bu gün Prokurorluğa dəvət olunacağını və onların izahatının alınacağını deyib.
Prokuror köməkçisi onlarda şagirdin intihara cəhd etməsi ilə bağlı məlumat olmadığını bildirib.
Müəlliflə əlaqə saxlamaq üçün elektron ünvan - [email protected]
