Azərbaycan, Bakı, 4 sentyabr /Trend, müxbir H.Bağırov/
Azərbaycanın Yardımlı rayonunda iki nəfər qətlə yetirilib.
Daxili İşlər Nazirliyinin şənbə günü yaydığı məlumata görə, sentyabrın 4-də saat 01:05 radələrində Yardımlı rayonunun Zevin kəndində, kənd sakinləri Şəmsəddin Eyniyev və qardaşı Niyaməddin Eyniyev münaqişə zəminində həmkəndliləri - Rasim Talıbov və onun qardaşı oğlu Rahil Əliyevi bıçaqla qətlə yetiriblər.
Hazırda Yardımlı Rayon Polis Şöbəsinin əməkdaşları tərəfindən hadisəni törədən şəxslərin tutulması istiqamətində əməliyyat-axtarış tədbirləri aparılır.
Faktla bağlı cinayət işi başlayıb.
Yardımlı paytaxt Bakıdan 250 kilometr aralıda yerləşir.