Azərbaycan, Bakı, 10 iyun /Trend, müxbir K.Zərbalıyeva/
Ağsu rayonunda polis əməkdaşının intihar etməsi faktı ilə əlaqədar cinayət işi başlanıb.
Rayon prokurorluğundan cümə günü Trend-ə verilən məlumata görə, dünən axşam 22:23 radələrində Ağsu rayon Polis Şöbəsinin qarşısında şöbənin yol polisi bölməsinin əməkdaşı, polis serjantı, 26 yaşlı Baxşıyev Asim Ərəstun oğlu xidməti tapançası ilə yol patrul maşınında özünü güllələyib.
Faktla əlaqədar rayon prokurorluğunda Cinayət Məcəlləsinin özünü öldürmə həddinə çatdırma (125-ci) maddəsi ilə cinayət işi başlanıb, istintaq gedir.
İntiharın səbəbləri hələlik məlum deyil.