Azərbaycan, Bakı, 15 avqust /Trend, müxbir K.Zərbalıyeva/
Fövqəladə Hallar Nazirliyi Rusiyadan Azərbaycana gələn sərnişin avtobusunun qəzaya uğraması ilə bağlı rəsmi məlumat yayıb.
Trend-in nazirliyin internet saytına istinadən verdiyi məlumata görə, Şabran rayonunda "Mercedes" markalı avtobus qəzaya uğrayıb.
Nəticədə avtobus deformasiyaya uğrayıb, hadisə zamanı avtobusda olan 35 sərnişindən 10-u yaralanıb.
Xilasedicilər tərəfindən nəqliyyat vasitəsindən 3 yaralı çıxarılaraq aidiyyəti üzrə təhvil verilib. Yaralılar xəstəxanaya aparılıblar.
Digər 7 yaralıya isə hadisə yerinə çağırılmış Təcili Tibbi Yardım Stansiyasının həkimləri tərəfindən ilkin tibbi yardım göstərilib.
Faktla bağlı araşdırma aparılır.