Azərbaycan, Bakı, 18 avqust /Trend, müxbir K.Zərbalıyeva/
Bakıda çimərliklərdə oğurluq edən şəxslər tutulub.
Trend-in Daxili İşlər Nazirliyinin internet saytına istinadən verdiyi məlumata görə, avqustun 15-də və 16-da Novxanı qəsəbəsindəki dəniz çimərliyində, Ucar rayon sakinləri Orxan Məmmədova, Füzuli Ələkbərova və Abşeron rayon sakini Zakir Əliyevə məxsus mobil telefonlar, qızıl və şəxsi əşyalar oğurlanıb.
Binəqədi Rayon Polis İdarəsinin 4-cü polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində oğurluqları törətmiş Corat qəsəbə sakinləri Mahir Abdullayev və Zaur Musayev tutulublar.
Onların ətrafında aparılmış əməliyyat tədbirləri nəticəsində onların avqustun 16-da Ceyhun Həsənova, Vurğun Məmmədova, Elşən Əfəndiyevə məxsus pul, mobil telefon, geyim əşyaları və şəxsi sənədlər oğurlamaları da müəyyən edilib.