Azərbaycan, Bakı, 20 iyul / Trend müxbir K.Zərbalıyeva/
Azərbaycanda ötən gün yol qəzalarında 6 nəfər ölüb, 19 nəfər xəsarət alıb.
Respublika Baş Dövlət Yol Polisi İdarəsindən Trend-ə verilən məlumata görə, iyulun 19-da ölkə yollarında 17 yol qəzası qeydə alınıb.
Qəzaların 4-ü Bakıda baş verib. Onlardan biri maneəvurma, 3-ü piyadavurma olub. Nəticədə 1 nəfər ölüb, 6 nəfər xəsarət alıb.
Ötən günün ağır yol qəzası Ağdaş rayonunda qeydə alınıb. Ağdaş rayonunda iki minik avtomobili toqquşub, nəticədə 2 nəfər ölüb, 3 nəfər xəsarət alıb.