Azərbaycan, Bakı, 12 fevral /Trend, müxbir E.Mehdiyev/
Gəncədə saxta sənəd düzəldərək başqa şəxslərə məxsus avtomaşınların satılması müəyyən edilib.
Daxili İşlər Nazirliyinin mətbuat xidmətindən Trend-ə daxil olan məlumata görə, Gəncə ŞBPİ əməkdaşlarının keçirdikləri tədbirlər nəticəsində 2012-ci ilin dekabr ayında şəhər sakini Əli Əliyevin, həmyerliləri Elçin Məmmədova məxsus "Daimler" və Azər Axundova məxsus "Mercedes" markalı avtomaşınları sürmək üçün etibarnamə alması və saxta sənəd düzəldərək həmin avtomaşınları satması müəyyən edilib.