Azərbaycan, Bakı, 2 may /Trend, müxbir T.Cəfərov/
Ötən iki gün ərzində güclü yağışlar və daşqınlar nəticəsində İranın Buşəhr və Fars əyalətlərində sel 11 şəhərə, o cümlədən Abade, Kazerun, Sepidan, Firuzabad və digərlərinə ziyan vurub.Trend-in məlumatına əsasən, bu barədə İSNA agentliyi məlumat verir.
Məlumata əsasən, nəticədə həmin şəhərlərdəki infrastruktura, yollara, evlərə ziyan dəyib. Ölən və yaralananların olmadığı bildirilir. 20 xilasetmə biriqadası əhaliyə yardım göstərmək üçün həmin şəhərlərə göndərilib. Xilasetmə işləri davam etdirilir.