Azərbaycan, Bakı, 9 may / Trend /
FHN xilasediciləri yaşlı qadını xilas ediblər. Trend Fövqəladə Hallar Nazirliyinin rəsmi saytına istinadən xəbər verir ki, FHN-nin "112" qaynar telefon xəttinə daxil olmuş məlumata əsasən, Bakı şəhəri, Nəsimi rayonunda 1937-ci il təvəllüdlü qadın mənzildə bağlı qapı arxasında köməksiz vəziyyətdə qalıb.
Fövqəladə Hallar Nazirliyinin müvafiq xilasetmə qüvvələri dərhal hadisə yerinə cəlb olunub. Əməliyyat şəraiti qiymətləndirilərkən məlum olub ki, həmin şəxs mənzilin qapısının dəfələrlə döyülməsinə və telefon zənglərinə reaksiya vermir.
Xilasedicilər beşmərtəbəli yaşayış binasının 3-cü mərtəbəsindən təhlükəsizlik qaydalarına riayət etməklə xüsusi alət və avadanlıqlar vasitəsilə mənzilin mətbəxinə qonşu mənzilin pəncərəsindən keçərək daxil olublar. Qadın xilas edilib.
Əməliyyat saat 23:23-də başa çatıb.