Azərbaycan, Bakı, 1 avqust /Trend/
Salyanda yaşayış evində yanğın olub.
Trend Fövqəladə Hallar Nazirliyinin rəsmi saytına istinadən məlumat verir ki, Salyan şəhərində vətəndaşa məxsus ümumi sahəsi 220 kv.m olan ( hər mərtəbəsi 110 kv.m) ikimərtəbəli 5 otaqlı evin 2-ci mərtəbəsinin yanar konstruksiyaları 110 kv.m sahədə yanıb.
Yanğının kəşfiyyatı zamanı ev sahibinin oğlu 1981-ci il təvəllüdlü Kərimov Vahid Samit oğlunun meyiti aşkar olunub. Evin qalan hissəsi yanğından mühafizə olunub.
Yanğın saat 20:09-da yanğınsöndürənlər tərəfindən söndürülüb.