Azərbaycan, Bakı, 27 noyabr /Trend, müxbir İ.İzzət/
Balaxanı Məişət Tullantılarının Zərərsizləşdirilməsi Poliqonunda ölən şəxsin ölümünün səbəbi müəyyən olunub.
Trend Daxili İşlər Nazirliyinin (DİN) rəsmi saytına istinadən xəbər verir ki, Sabunçu rayon Polis İdarəsi 12-ci Polis Bölməsi əməkdaşlarının keçirdikləri əməliyyat tədbirləri nəticəsində Balaxanı Məişət Tullantılarının Zərərsizləşdirilməsi Poliqonunda ölmüş Hacıağa Vəliyevin ölümünün səbəbi aydınlaşıb.
Məlum olub ki, Hacıağa Vəliyev noyabrın 2-də poliqonda Bakı şəhər sakini Elxan Məmmədovun idarə etdiyi traktorla vurulub.
Faktla bağlı araşdırmalar davam etdirilir.