Azərbaycan, Bakı, 4 dekabr /Trend/
Bakı şəhəri, Xətai rayonunda döyüş sursatı aşkarlanıb.
Trend Fövqəladə Hallar Nazirliyinin saytına istinadən məlumat verir ki, nazirliyin müvafiq qurumları lazımi tədbirlərin görülməsi üçün hadisə yerinə cəlb edilib. Aşkarlanmış sursata baxış keçirilərkən istifadəyə yararsız 1 ədəd 82 millimetr çaplı minaatan minası, partlayıcı qurğusu zərərsizləşdirilərək aidiyyəti üzrə təhvil verilib.
Xilasedicilər hüquq-mühafizə orqanlarının əməkdaşları ilə birlikdə əraziyə əlavə baxış keçirib və digər növ şübhəli əşya aşkar etməyiblər.