Azərbaycan, Bakı, 30 aprel /Trend/
Binəqədi rayonunda ağır yol qəzası baş verib, ölən var.
Trend Fövqəladə Hallar Nazirliyinə istinadən xəbər verir ki, nazirliyin "112" qaynar telefon xəttinə daxil olan məlumata əsasən, Binəqədi rayonunda "VAZ" və "Saipa" markalı minik avtomobilləri toqquşması nəticəsində ağır yol-nəqliyyat qəza hadisəsi baş verib. Hadisə nəticəsində bir nəfər ölüb.
Qəzanın baş verdiyi yerə cəlb olunan xilasedicilər "VAZ" markalı avtomobildə sıxılmış vəziyyətdə qalan sürücünün cəsədini çıxararaq aidiyyəti üzrə təhvil veriblər. Əməliyyat saat 07:45-də başa çatıb.