Bakı. Samir Əli - Trend:
Bu gün səhər saatlarında Bakı şəhərində iki yol qəzası baş verib.
Bu barədə Trend-ə Daxili İşlər Nazirliyinin Bakı şəhər Baş Polis İdarəsinin Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovniki Vaqif Əsədov məlumat verib.
Onun sözlərinə görə, yol qəzalarından biri bu gün səhər saatlarında Bakının Xətai rayonu ərazisində, digəri isə Ziya Bünyadov prospektinin Əliyar Əliyev küçəsi ilə kəsişməsində, dəmirloyu üzərində yerləşən yol ötürücüsündə (Çermet körpüsü) qeydə alınıb. Hadisə nəticəsində xəsarət alan olmasa da avtomobillərə çüzi maddi ziyan dəyib.
Qeyd edək ki, 15 sentyabr - Bilik Günü ilə əlaqədar Bakı şəhər Dövlət Yol Polisi İdarəsi paytaxtdakı təhsil müəssisələrini və həmin müəssisələrə yaxın avtomobil yollarını nəzarətə götürüb, hərəkətin təhlükəsizliyini təmin etmək məqsədilə yollara ciddi nəzarət edir.