Bakı. Trend:
Türkiyənin Adana şəhərində yerləşən şagird yataqxalarından birində yanğın baş verib.
Trend-in Anadolu agentliyinə istinadən verdiyi məlumata görə, yanğın nəticəsində 12 nəfər həlak olub, 22 nəfər isə müxtəlif dərəcədə xəsarət alıb.
Ölənlərdən 1-i müəllim, 11 isə şagird olub.
"Baş verən yanğın nəticəsində 12 nəfər həlak olub, 22 nəfər isə müxtəlif xəsarətlərlə xəstəxanalara yerləşdirilib. Hazırda hadisə yerində araşdırma aparılır. ", - Adana valisi Mahmud Dəmirtaş deyib.
Yanğının elektrik xətlərində qısaqapanmadan baş verdiyi ehtimal olunur.