(Təfərrüatlar əlavə edilib)
Bakı. Trend:
Rusiyada sərnişin qatarı yük avtomobili ilə toqquşub.
Trend-in məlumatına görə, hadisə Adıgey Respublikasında baş verib. Məlumata görə, "KAMAZ" markalı yük avtomobili qatar yoluna çıxıb. Toqquşma nəticəsində yük avtomobili, eləcə də qatarın bir vaqonu və lokomotivi yanıb.
"KAMAZ"ın sürücüsü xəsarət alıb. Sərnişinlərdən həkimə müraciət edən olmayıb. Hazırda qəza yerində polis və yanğınsöndürənlər işləyir.