...

İki nəfəri tüfənglə yaralayan Şəmkir sakini saxlanılıb

Hadisə Materials 10 May 2021 14:21 (UTC +04:00)
İki nəfəri tüfənglə yaralayan Şəmkir sakini saxlanılıb

Trend-i buradan izləyin

Bakı. Samir Əli - Trend:

İki nəfəri tüfənglə yaralayan Şəmkir sakini saxlanılıb.

Daxili İşlər Nazirliyindən Trend-ə verilən məlumata görə, Şəmkir Rayon Polis Şöbəsinə mayın 9-da Çinarlı qəsəbəsi ərazisində rayon sakini R.Mehdixanovun münaqişə zəminində tüfəngdən açdığı atəşlə dayısı oğlu M.Rüstəmovun ayaq və B.Hüseynovun əl nahiyələrinə xəsarət yetirməsi barədə məlumat daxil olub.

M.Rüstəmov və B.Hüseynov xəstəxanaya yerləşdiriliblər.

Polis əməkdaşlarının keçirdikləri əməliyyat tədbirləri nəticəsində adam öldürməyə cəhddə şübhəli bilinən R.Mehdixanov saxlanılıb. Ondan cinayəti törədərkən istifadə etdiyi müvafiq sənədləri olmayan ov tüfəngi götürülüb.

Faktla əlaqədar Cinayət Məcəlləsinin 29,120-ci (Adam öldürməyə cəhd) maddəsi ilə cinayət işi başlanıb.

Məqalədə:
Xəbər lenti

Xəbər lenti