Azərbaycan, Bakı, 10 fevral /Trend, müxbir Məftun Salmanov/
Rusiya Prezidenti Vladimir Putin misirli həmkarı Əbdülfəttah əs-Sisiyə "Ak-47" markalı Kalaşnikov avtomatı hədiyyə edib. Trend-in "TRT Haber" telekanalına istinadən verdiyi məlumata görə, hədiyyə V. Putinin bu gün Misirə səfəri çərçivəsində verilib.
Ə. əs-Sisinin də qonağa hədiyyə təqdim etdiyi bildirilsə də bunun nədən ibarət olduğu açıqlanmayıb.
Qeyd edək ki, V. Putin daha əvvəl Rusiyaya səfəri zamanı Ə. əs-Sisiyə qızılulduzlu pencəyi hədiyyə olaraq təqdim etmişdi.