...

"Odda yanmaz, suda batmaz" kəşf olundu

Maraqlı Materials 9 Yanvar 2017 21:50 (UTC +04:00)
Çinli alimlər maraqlı kəşfə imza atıblar.
"Odda yanmaz, suda batmaz" kəşf olundu

Bakı. Trend:

Çinli alimlər maraqlı kəşfə imza atıblar.

Trend-in xarici KİV-ə istinadən verdiyi məlumata görə, Çin Elmlər Akademiyası nəzdində Şanxay Keramika İnstitutunun professoru Çju İnçzenin başçılıq etdiyi tədqiqatçılar qrupu alovda yanmayan və suyun təsirinə davamlı kağız yaratmağa müvəffəq olublar.

Tədqiqatçıların fikrincə, bu nadir materialın dünyada analoqu yoxdur. Yeni yaradılmış qeyri-üzvi kağız kifayət qədər elastik, möhkəm struktura malikdir və ekstremal şəraitdə mexaniki zədələrə məruz qalmır. Müəlliflər artıq bu ixtiraya patent almaq üçün sorğu göndəriblər.

İxtiraçıların sözlərinə görə, yeni material 200 dərəcə Selsi temperatura davam gətirir. Kağız öz strukturu sayəsində mexaniki zədələndiyi halda belə suyu özünə hopturmur. Süd, qəhvə, şirə və ya çayla təmas zamanı material üzərində heç bir iz qalmır. Xüsusi mühüm sənədlərin saxlanılmasında, küçələrdə reklam lövhələrində bu materialdan istifadənin daha əlverişli olduğu bildirilir.

Xəbər lenti

Xəbər lenti