Bakı. Trend:
Serbiyada konstitusiya quruluşunun zorakılıqla devrilməsi planını hazırlamaqda şübhəli bilinən altı nəfər saxlanılıb.
Trend xəbər verir ki, bu barədə ölkənin Daxili İşlər Nazirliyi məlumat yayıb.
İstintaqın məlumatına görə, iyunun 21-də saxlanılan şəxslər Kralyevo şəhərindəki oteldə görüşərək Serbiyada hakimiyyətin zorakılıqla dəyişdirilməsi planlarını müzakirə ediblər.
Onlar odlu silahdan istifadə etməklə dövlət qurumlarının nümayəndələrinə hücum etmək, polis əməkdaşlarını tərksilah etməyə cəhd etmək, həmçinin hökumət binalarına, digər dövlət qurumlarına, eləcə də Serbiya Radio və Televiziyasının (RTS), "Happy TV" kanalı və İnformer portalının redaksiyalarına soxulmağı planlaşdırıblar.
Saxlanılan şəxslər barəsində 48 saata qədər həbs qətimkan tədbiri seçilib.