...

Dövlət Departamenti: ABŞ Dağlıq Qarabağ münaqişəsi tərəflərini danışıqlar masasında səylərini artırmağa çağırır

Ermənistan-Azərbaycan münaqişəsi Materials 2 İyun 2014 10:21 (UTC +04:00)
ABŞ Dağlıq Qarabağ münaqişəsi tərəflərini danışıqlar masasında səylərini artırmağa çağırır. Trend-in ABŞ Dövlət Departamentinin rəsmi saytına istinadən verdiyi məlumata görə, bunu Dövlət Departamentinin sözçüsü Cen Psaki deyib.
Dövlət Departamenti: ABŞ Dağlıq Qarabağ münaqişəsi tərəflərini danışıqlar masasında səylərini artırmağa çağırır

Azərbaycan, Bakı, 2 iyun /Trend, müxbir S.Əhmədova/

ABŞ Dağlıq Qarabağ münaqişəsi tərəflərini danışıqlar masasında səylərini artırmağa çağırır. Trend-in ABŞ Dövlət Departamentinin rəsmi saytına istinadən verdiyi məlumata görə, bunu Dövlət Departamentinin sözçüsü Cen Psaki deyib.

C.Psaki bildirib ki, tərəflər əsas diqqəti sülhün regionda insanlara bəxş edə biləcəyi faydalara yönəltməlidirlər.

Departament sözçüsü qeyd edib: "Biz ATƏT-in Minsk qrupunun həmsədr ölkəsi kimi tərəflərə Dağlıq Qarabağ münaqişəsinin sülh yolu ilə həllinə nail olunmasında kömək etməyə sadiq qalırıq".

C.Psakinin sözlərinə görə, Minsk qrupunun həmsədrlərinin verdiyi bəyanatlarda da bildirilib ki, münaqişənin uzunmüddətli həlli BMT Nizamnaməsi və Helsinki Yekun Aktının əsas prinsiplərinə, xüsusilə də güc tətbiq etməmə, ərazi bütövlüyü və xalqların öz müqəddəratını təyin etməsində bərabər hüquqlara əsaslanmalıdır.

Məqalədə:
Xəbər lenti

Xəbər lenti