Azərbaycan, Bakı, 22 fevral / Trend , müxbir S.Ağayeva/ Azərbaycan və Yaponiya siyasi tərəfdaşlığın yeni mərhələsinə keçmək niyyətindədir.
Azərbaycanın Yaponiyadakı səfirliyinin müşaviri Gürsel İsmailzadənin cümə günü Tokiodan telefonla verdiyi məlumata görə, əməkdaşlığın yeni imkanları fevralın 27-də Tokioda Azərbaycan və Yaponiyanın Xarici İşlər nazirlikləri arasında keçiriləcək məsləhətləşmələr zamanı müzakirə olunacaq.
Azərbaycan tərəfindən məsləhətləşmələrdə nazir müavini Xələf Xələfov başda olmaqla XİN-in nümayəndə heyəti iştirak edəcək. Tərəflərin ikitərəfli əməkdaşlığın aktual məsələlərini müzakirə edəcəyi, regional və beynəlxalq siyasi proseslər üzrə fikir mübadiləsi aparacağı gözlənilir.
