Azərbaycan, Bakı, 26 fevral / Trend / Fevralın 27-də saat 11:00-dan 12:30-dək Bakı Fond Birjasında Milli Bankın qısamüddətli notlarının yerləşdirilməsi üzrə hərrac keçiriləcək, - çərşənbə axşamı Birjanın yayılan məlumatında deyilir.
Notların dövlət qeydiyyat nömrəsi - 50100819S, emissiyanın ümumi həcmi 40 000 000 AZN təşkil edir, hərraca çıxarılan həcm - 35 000 000 AZN, bir notun nominal dəyəri - 200 AZN, notları tədavül müddəti - 28 gündür.
Hərrac zamanı, Notlar buraxılışının 20 faizdən artıq olmamaq şərti ilə, qeyri-rəqabətli sifarişlərin qəbul edilməsinə icazə verilir.
Ödəmə tarixi - 27 mart.