Azərbaycan, Bakı, 15 aprel / Trend , müxbir S.İlhamqızı/ Yeni Zaman Partiyasının dövlət qediyyatına alınması ilə bağlı 9 ay əvvəl Ədliyyə Nazirliyinə ünvanladığı müraciətə cavab verilib. Bu barədə Trend a partiyanın sədri Musa Ağayev məlumat verib.
Ötən ilin yayında təsis olunan müxalifətçi Yeni Zaman Partiyasının qediyyata alınması üçün sənədləri avqust ayında Ədliyyə Nazirliyinə təqdim olunub. Lakin o vaxtdan partiyaya cavab verilməyib.
Ötən gün Ədliyyə Nazirliyindən partiyaya məktub daxil olub, bildirilib ki, sənədlər partiyanın yalnız təsisçilərinin deyil, həm də Mərkəzi Şura üzvlərinin adları, imzaları ilə göndərilməlidir.
"Ədliyyə Nazirliyinin Nizamnaməsində, həmçinin, Siyasi partiyalar haqqında" Qanunda göstərilib ki, qeydiyyat üçün sənədlər partiya rəhbərliyinin, təsisçilərin imzası ilə göndərilməlidr. Amma nazirlik Mərkəzi Şura üzvlərinin imzasının olmamasını sənədlərimizdə çatışmazlıq kimi qiytəmləndirib"-deyə Ağayev bildirib.
Onun sözlərinə görə, nazirlikdən o da bildirilib ki, partiya Nizamnaməsinin 7-ci bəndində dəqiqləşmələr edilməlidir.
"Biz artıq həmin bəndin dəqiqləşdirilməsinə dair məktub hazırlamışıq və Mərkəzi Şura üzvlərinin də imzaladığı sənədləri Ədliyyə Nazirliyinə təqdim edəcəyik. Bundan sonra partiyanın qeydiyyata alınmamasına səbəb qalmır" -deyə Ağayev bildirib.
O, əlavə edib ki, Ədliyyə Nazirliyi yenə də Yeni Zaman Partiyasını qeydiyyata almasa, nazirliyi məhkəməyə verəcəklər.
Müəlliflə əlaqə saxlamaq üçün elektron ünvan - [email protected]
