Azərbaycan, Bakı, 18 noyabr/ Trend / "Növbəti Enerji Təhlükəsizliyi Məsələləri üzrə V Sammit gələn il yazın sonu - yayın əvvəlində Tbilisidə keçiriləcək", - Ukraynanın Azərbaycandakı Fövqəladə və Səlahiyyətli səfiri Boris Klimçuk çərşənbə axşamı keçirilmiş mətbuat konfransında bildirib.
Ötən həftənin sonunda Bakıda Enerji Təhlükəsizliyi Məsələləri üzrə IV Sammit keçirilib. Sammitdə enerji siyasəti perspektivlərinin, regionda yeni boru kəmərlərinin çəkilməsi müzakirəsi olunub.
Tədbirdə Azərbaycan, Türkiyə, Litva, Ukrayna, Gürcüstan prezidentləri, Estoniya, Yunanıstan, Macarıstan, ABŞ-ın və Avropa İttifaqının rəsmi şəxsləri iştirak ediblər.
İmzalanmış Bəyannaməyə Azərbaycan, Bolqarıstan, Macarıstan, Yunanıstan, Gürcüstan, İtaliya, Latviya, Polşa, Rumıniya, ABŞ, Türkiyə, Ukrayna, İsveçrə, Estoniya və Avropa Komissiyası qoşulub.