Azərbaycan Prezidenti Dünya Bankının vitse-prezidentini qəbul edib

Azərbaycan Prezidenti İlham Əliyev sentyabrın 13-də Dünya Bankının vitse-prezidenti Filip Le Uerunu qəbul edib. Məlumatı AzərTAc Dövlət İnformasiya Agentliyi yayıb.

Görüşdə Dünya Bankı ilə Azərbaycanın müvafiq qurumları arasında əməkdaşlığın yaxşı səviyyədə olduğu vurğulanıb, ölkəmizdə son illər əldə edilən uğurlar və gələcəkdə görüləcək işlər ətrafında fikir mübadiləsi aparılıb, bir sıra beynəlxalq layihələrin həyata keçirilməsində tərəflərin maraqlı olduğu bildirilib.