Azərbaycan, Bakı, 1 mart /Trend, müxbir K.Zərbalıyeva/
Azərbaycanın müdafiə naziri Macarıstan və Gürcüstanın ölkəmizdəki səfirlərini qəbul edib.
Müdafiə Nazirliyinin mətbuat xidmətindən çərşənbə axşamı Trend-ə verilən məlumata görə, martın 1-də nazir Səfər Əbiyev Macarıstan və Gürcüstanın Azərbaycana yeni təyin olunmuş fövqəladə və səlahiyyətli səfirləri Jolt Çutora və Teymuraz Şaraşenidze ilə görüşüb.
Görüşlər zamanı ölkələr arasında hərbi əməkdaşlıq məsələləri və regionda mövcud olan hərbi-siyasi vəziyyət barədə fikir mübadiləsi aparılıb.