Azərbaycan, Bakı, 13 oktyabr /Trend, müxbir A.Tağıyeva/
Türkiyə Azərbaycana lazımi hərbi dəstəyi verəcək. Trend-in məlumatına görə, bunu cümə axşamı Bakıda jurnalistlərə Türkiyənin müdafiə naziri İsmət Yılmaz deyib.
Nazirin sözlərinə görə, Azərbaycan və Türkiyə Silahlı qüvvələri birgə əməkdaşlıq edəcək.
"Azərbaycan və Türkiyə əlaqələri zamana və məkana sığmır", - dünəndən Azərbaycana rəsmi səfəri başlayan Yılmaz deyib.
Türkiyəli nazir səfər çərçivəsində ikitərəfli görüşlər keçirəcək.
Yılmaz bu gün Fəxri və Şəhidlər xiyabanlarını ziyarət edib.