Azərbaycan, Bakı, 29 fevral /Trend/
Azərbaycan Prezidenti İlham Əliyev çərşənbə günü Türkiyənin TRT televiziya kanalının Bakı təmsilçisi Yüksel Degercana müsahibə verib.
Dövlətimizin başçısı Fransa Konstitusiya Şurasının qondarma "erməni soyqırımı"nı inkar edənlərin cinayət məsuliyyətinə cəlb olunmasını nəzərdə tutan qanunun ləğvi ilə bağlı qərarı, Türkiyə-Azərbaycan dostluq münasibətlərinin hazırkı vəziyyəti və perspektivləri, Ermənistan-Azərbaycan, Dağlıq Qarabağ münaqişəsinin nizama salınması, Xocalı soyqırımı qurbanlarının xatirəsinin anılması və enerji sahəsində əməkdaşlıqla bağlı suallara cavab verib.
