Azərbaycan, Bakı, 2 mart /Trend/
Azərbaycan Prezidenti İlham Əliyev cümə günü Malayziyanın keçmiş Baş naziri Mahathir Mohamadı qəbul edib.
Görüşdə Azərbaycan ilə Malayziya arasında ikitərəfli münasibətlərin, o cümlədən iqtisadi sahədə əməkdaşlığın fəal şəkildə inkişaf etdirilməsi üçün yaxşı imkanların olduğu vurğulandı, əlaqələrimizin daha da genişləndirilməsi ilə bağlı məsələlər ətrafında fikir mübadiləsi aparıldı, İslam Əməkdaşlıq Təşkilatına üzv dövlətlərin beyin mərkəzlərinin Bakıda keçirilən III Forumunun önəmi qeyd olundu.