Azərbaycan, Bakı, 9 iyul /Trend, müxbir M.Əliyev/
Türkmənistan rəsmi olaraq Azərbaycana heç bir təklif, nota göndərməyib. Trend-in məlumatına görə, bunu Azərbaycanın xarici işlər naziri Elmar Məmmədyarov bazar ertəsi keçirdiyi brifinqdə deyib.
O qeyd edib ki, Azərbaycan tərəfi hər dəfə təklif verir ki, Rusiya və Qazaxıstanla əldə olunan razılıq mexanizmi Türkmənistanla da əldə edilsin.
"Bu mexanizm İrana da təklif olunub. İnanırıq ki, Xəzər sahilində yerləşən 3 dövlətin gəldiyi razılığa digər 2 dövlət də gələcək", - Məmmədyarov deyib.