Azərbaycan, Bakı, 11 fevral /Trend, müxbirlər E.Tariverdiyeva, T.Cəfərov/
İranın müxalifət lideri Mirhüseyn Musəvinin iki qızı Zəhra və Nərgiz təhlükəsizlik qüvvələri tərəfindən saxlanılıb. Bu barədə Trend bazar ertəsi "Kaleme" saytına istinadən məlumat verir.
Saytın məlumatına görə, İranın təhlükəsizlik qüvvələri onların evində axtarış aparıb və qızları həbs edib. Onların hazırda harada yerləşdiyi məlum deyil.
Qeyd edək ki, iki həftə əvvəl Musəvinin qızları bildirmişdi ki, valideynlərinin harada saxlanıldığını bilmirlər və onlardan heç bir məlumat yoxdur. Qızlar valideynlərinin dərhal azadlığa buraxılmasını tələb etmiş və onların saxlanılmasını "oğurluq" adlandırmışdılar.